काळेवाडीत वृद्ध महिलेचा पाय PVC पाईपमध्ये अडकला; २ तासांच्या थरारानंतर अग्निशमन दलाने सुखरूप बाहेर काढले!
पिंपरी चिंचवडमधील काळेवाडी परिसरात एक खळबळजनक घटना घडली असून येथे पाणीपुरवठा राखीव पीव्हीसी पाईपमध्ये एका वृद्ध महिलेचा पाय अडकला होता. या घटनेमुळे परिसरात मोठी गर्दी जमली होती.
मिळालेल्या माहितीनुसार, सदर महिला चालत असताना अचानक तिचा पाय या पाईपमध्ये अडकला. पाय काढण्याचे सर्व प्रयत्न अपयशी ठरल्यानंतर स्थानिक नागरिकांनी तातडीने अग्निशमन दलाला पाचारण केले.
अग्निशमन दलाच्या जवानांनी घटनास्थळी धाव घेत अत्यंत कौशल्याने आणि खबरदारीने काम सुरू केले. सुमारे २ तास चाललेल्या या थरारक बचाव कार्यानंतर, पाईपला इजा न पोहोचवता महिलेचा पाय सुखरूप बाहेर काढण्यात जवानांना यश आले. सुरक्षितरीत्या बाहेर काढल्यानंतर महिलेने आणि त्यांच्या नातेवाईकांनी सुटकेचा नि:श्वास सोडला.
अग्निशमन दलाच्या या तत्परतेचे सर्व स्तरांतून कौतुक होत आहे.
पत्रकार उमेश कुलकर्णी
9822545429
