पुणे : श्री चतुःशृंगी देवी मंदिरातील नवीन पायऱ्यांमुळे भाविकांना मोठा दिलासा; चढणे झाले अधिक सुलभ
प्रतिनिधी : उमेश कुलकर्णी
पुण्यातील लाखो भाविकांचे श्रद्धास्थान असलेल्या श्री चतुःशृंगी देवी मंदिर परिसरात विकासकामांना गती मिळाली असून, मंदिराकडे जाणाऱ्या नवीन पायऱ्यांची बांधणी पूर्ण करण्यात आली आहे. काँक्रीटच्या स्वरूपात तयार करण्यात आलेल्या या पायऱ्या चढण्यासाठी अत्यंत सुलभ असल्याने मंदिरात दर्शनासाठी येणाऱ्या भाविकांना मोठा दिलासा मिळाला आहे.
नवीन पायऱ्यांची रचना व्यवस्थित आणि चढण्यास सोयीची असल्यामुळे ज्येष्ठ नागरिक, महिला, लहान मुले तसेच नियमितपणे मंदिरात येणाऱ्या भाविकांसाठी मंदिराकडे जाण्याचा मार्ग अधिक सुलभ झाला आहे. पूर्वीच्या तुलनेत नव्या पायऱ्यांवरून चढताना भाविकांना अधिक सहजता जाणवत आहे.
मंदिर परिसरात स्वच्छता आणि सुरक्षिततेचीही चांगली व्यवस्था असल्याने भाविकांमध्ये समाधानाचे वातावरण आहे. सुरू असलेली उर्वरित विकासकामेही लवकर पूर्ण झाल्यास मंदिर परिसराचा विकास आणखी उठून दिसेल, अशी अपेक्षा भाविकांकडून व्यक्त केली जात आहे.
श्री चतुःशृंगी देवी मंदिर हे पुणे शहराचे प्रमुख श्रद्धास्थान असल्याने येथे वर्षभर भाविकांची मोठी गर्दी असते. नवीन पायऱ्यांमुळे दर्शनासाठी येणाऱ्या भाविकांचा प्रवास अधिक सोयीचा झाला असून, या विकासकामाबद्दल भाविकांकडून समाधान व्यक्त होत आहे.
प्रतिनिधी उमेश कुलकर्णी
