दिल्लीतील CJP आंदोलनाच्या पार्श्वभूमीवर हायअलर्ट
दिल्लीत CJP आंदोलनामुळे हायअलर्ट; मेट्रो स्थानकांचे प्रवेशद्वार बंद, रेल्वेगाड्या रद्द, काही भागांत इंटरनेट बंद
नवी दिल्ली : राजधानी दिल्लीत CJP आंदोलनाच्या पार्श्वभूमीवर सुरक्षा व्यवस्था कडक करण्यात आली आहे. आंदोलनाच्या पार्श्वभूमीवर दिल्ली पोलिसांसह निमलष्करी दलांना तैनात करण्यात आले असून, संवेदनशील भागांमध्ये विशेष देखरेख ठेवण्यात येत आहे. खबरदारीचा उपाय म्हणून वाहतूक आणि सार्वजनिक सेवांवरही निर्बंध लागू करण्यात आले आहेत.
दिल्लीतील आंदोलनाच्या पार्श्वभूमीवर काही मेट्रो स्थानकांचे प्रवेश आणि बाहेर पडण्याचे दरवाजे बंद करण्यात आले आहेत. तसेच, रेल्वे वाहतुकीवरही परिणाम झाला असून काही रेल्वेगाड्या रद्द करण्यात आल्या आहेत. त्यामुळे प्रवाशांना गैरसोयीचा सामना करावा लागत आहे.
दरम्यान, जंतरमंतर परिसराच्या जवळील काही भागांत मोबाइल इंटरनेट सेवा तात्पुरती बंद ठेवण्याचे आदेश देण्यात आले आहेत. कायदा आणि सुव्यवस्था राखण्यासाठी प्रशासनाकडून खबरदारी घेतली जात आहे.
आंदोलनाच्या पार्श्वभूमीवर नागरिकांनी घराबाहेर पडण्यापूर्वी मेट्रो आणि रेल्वे सेवांचे अधिकृत वेळापत्रक तपासावे, तसेच प्रशासनाच्या सूचनांचे पालन करावे, असे आवाहन करण्यात येत आहे.
पत्रकार : उमेश कुलकर्णी
