मेसीचा विश्वविक्रम! फिफा विश्वचषकात सर्वाधिक गोल करणारा खेळाडू बनला
ब्युनोस आयर्स : अर्जेंटिनाचा कर्णधार आणि जगप्रसिद्ध फुटबॉलपटू लिओनेल मेसी याने फिफा विश्वचषकाच्या इतिहासात आणखी एक मानाचा टप्पा गाठत नवा विश्वविक्रम आपल्या नावावर केला आहे. विश्वचषक स्पर्धांमध्ये सर्वाधिक गोल करणारा खेळाडू बनण्याचा मान आता मेसीने मिळवला आहे.
मिळालेल्या माहितीनुसार, फिफा विश्वचषक २०२६ मध्ये ऑस्ट्रेलियाविरुद्ध झालेल्या सामन्यात मेसीने शानदार दोन गोल करत आपल्या संघाच्या विजयात मोलाची भूमिका बजावली. या दोन गोलांमुळे त्याच्या विश्वचषकातील एकूण गोलांची संख्या १८ वर पोहोचली आहे.
या कामगिरीसह मेसीने विश्वचषक इतिहासातील सर्वाधिक गोलांचा नवा विक्रम प्रस्थापित केला आहे. यापूर्वी स्पर्धेतील पहिल्याच सामन्यात त्याने हॅट्ट्रिक झळकावत जुन्या विक्रमाशी बरोबरी साधली होती. त्यानंतर ऑस्ट्रेलियाविरुद्धच्या सामन्यात दोन गोल करत त्याने हा विक्रम मोडला.
मेसीच्या या ऐतिहासिक यशानंतर जगभरातील फुटबॉल चाहत्यांमध्ये आनंदाचे वातावरण असून सोशल मीडियावर त्याच्यावर अभिनंदनाचा वर्षाव होत आहे. अनेक माजी खेळाडू, प्रशिक्षक आणि क्रीडा तज्ज्ञांनीही त्याच्या या अभूतपूर्व कामगिरीचे कौतुक केले आहे.
वयाच्या उत्तरार्धातही सातत्यपूर्ण आणि प्रभावी कामगिरी करत मेसीने पुन्हा एकदा आपण जागतिक फुटबॉलमधील महान खेळाडूंपैकी एक असल्याचे सिद्ध केले आहे.
मेसीच्या नावावर आता फिफा विश्वचषक इतिहासातील सर्वाधिक गोलांचा मान असून त्याच्या कारकिर्दीत आणखी अनेक विक्रमांची भर पडण्याची शक्यता व्यक्त केली जात आहे.
पत्रकार उमेश कुलकर्णी
9822548429
