मोदींच्या आवाहनानंतर आमदार जितेंद्र आव्हाडांचे अनोखे आंदोलन
आखाती देशांमध्ये, विशेषतः इराण आणि अमेरिका यांच्यात वाढत असलेल्या संघर्षाचे सावट आता जागतिक अर्थव्यवस्थेवर पडू लागले आहे. या तणावामुळे आंतरराष्ट्रीय बाजारपेठेत इंधन आणि सोन्याचे दर भडकण्याची शक्यता निर्माण झाली आहे. या गंभीर परिस्थितीच्या पार्श्वभूमीवर, पंतप्रधान नरेंद्र मोदी यांनी देशातील नागरिकांना पेट्रोल, डिझेल आणि तेलाच्या वापराबाबत संयम बाळगण्याचे आवाहन केले आहे.
पंतप्रधानांच्या या वक्तव्यानंतर राजकीय वर्तुळातून उलटसुलट प्रतिक्रिया उमटत आहेत. राष्ट्रवादी काँग्रेसचे आमदार जितेंद्र आव्हाड यांनी या आवाहनाचा अत्यंत तिरकस पद्धतीने निषेध केला आहे. आव्हाड यांनी चक्क घोड्यावर बसून प्रवास करत सरकारवर निशाणा साधला.
”जर सामान्य नागरिकांनी पेट्रोल-डिझेलबाबत असाच संयम पाळायचा असेल, तर भविष्यात प्रवासासाठी केवळ घोडा हाच पर्याय उरेल,” असा संदेश त्यांनी या आंदोलनातून दिला. ठाण्यातील या अनोख्या निषेधाचा व्हिडिओ सध्या सोशल मीडियावर वाऱ्यासारखा पसरत असून, सर्वत्र याचीच चर्चा सुरू आहे.
पत्रकार उमेश कुलकर्णी 9822548429
