गोपाळगड किल्ल्याचे भूसंपादन सुरू; पोलीस अधीक्षक यांनी दिली कायदेशीर माहिती
रत्नागिरी/अंजनवेल:
ऐतिहासिक गोपाळगड किल्ल्याच्या भूसंपादनाची प्रक्रिया सुरू झाली असून, यासंदर्भातील महत्त्वाची आणि कायदेशीर माहिती पोलीस अधीक्षक नितीन बगाटे यांनी दिली आहे. गोपाळगड किल्ल्याच्या जागेबाबत सध्या विविध चर्चा आणि वाद समोर येत असतानाच पोलीस प्रशासनाने यावर अधिकृत भूमिका स्पष्ट केली आहे.
गोपाळगड अपडेट्सच्या माध्यमातून ‘खरे गुन्हेगार कोण?’ अशा विविध प्रश्नांवरून परिसरात संभ्रमाचे वातावरण निर्माण झाले होते. या पार्श्वभूमीवर पोलीस अधीक्षक नितीन बगाटे यांनी स्वतः घटनास्थळाची पाहणी करत कायदेशीर बाबींवर प्रकाश टाकला.
किल्ल्याचे भूसंपादन कायदेशीर मार्गाने सुरू असून, नागरिकांनी कोणत्याही अफवांवर विश्वास ठेवू नये असे आवाहन प्रशासनाकडून करण्यात आले आहे. या प्रक्रियेदरम्यान कायदा व सुव्यवस्था राखण्यासाठी पोलीस प्रशासन पूर्णपणे सतर्क आहे. गोपाळगडच्या संवर्धनासाठी आणि ऐतिहासिक वारसा जपण्यासाठी सुरू असलेल्या या भूसंपादन प्रक्रियेकडे आता संपूर्ण जिल्ह्याचे लक्ष लागले आहे.
पत्रकार उमेश कुलकर्णी
