जोरहाट एअरबेसवरील विमान दुर्घटनेत हवाई दलाचे पाच जवान शहीद
जोरहाट (आसाम), प्रतिनिधी : आसाममधील जोरहाट हवाई तळावर भारतीय हवाई दलाचे AN-32 कार्गो विमान अपघातग्रस्त झाल्याची दुर्दैवी घटना घडली. नियमित प्रशिक्षण उड्डाणादरम्यान झालेल्या या दुर्घटनेत भारतीय हवाई दलाचे पाच जवान शहीद झाले, तर एक सहवैमानिक जखमी झाला आहे.
मिळालेल्या माहितीनुसार, विमानाने जोरहाट एअरबेसवरून उड्डाण केल्यानंतर काही वेळातच तांत्रिक बिघाडामुळे अपघात झाल्याचा प्राथमिक अंदाज व्यक्त करण्यात येत आहे. अपघातानंतर तातडीने बचाव व मदतकार्य हाती घेण्यात आले. जखमी अधिकाऱ्यावर लष्करी रुग्णालयात उपचार सुरू आहेत.
या दुर्घटनेबद्दल राष्ट्रपती, पंतप्रधान तसेच संरक्षण मंत्रालयाने शोक व्यक्त केला असून शहीद जवानांच्या कुटुंबीयांप्रती संवेदना व्यक्त केल्या आहेत. भारतीय हवाई दलाने अपघाताच्या कारणांचा सखोल तपास करण्यासाठी चौकशीचे आदेश दिले आहेत.
देशसेवेसाठी सर्वोच्च बलिदान देणाऱ्या या पाच वीर जवानांना देशभरातून श्रद्धांजली अर्पण करण्यात येत आहे. त्यांच्या शौर्य, कर्तव्यनिष्ठा आणि त्यागाबद्दल संपूर्ण राष्ट्र सदैव ऋणी राहील.
“मातृभूमीच्या रक्षणासाठी प्राणांची आहुती देणाऱ्या सर्व वीर जवानांना भावपूर्ण श्रद्धांजली!” 💐🇮🇳
प्रतिनिधी: शाम शिरसाठ पुणे.
