PDHA हॉकी असोसिएशन फाईव्ह साईड टूर्नामेंट: अंतिम सामन्यात जे जे स्पोर्ट्स अकॅडमीला नमवत पुणे शहर व पिंपरी चिंचवड पोलीस संघ ठरला विजेता
कोथरूड, पुणे:PDHA तर्फे कोथरूड येथे आयोजित करण्यात आलेल्या ‘हॉकी असोसिएशन फाईव्ह साईड टूर्नामेंट’च्या अंतिम सामन्यात पुणे सिटी व पिंपरी चिंचवड पोलीस संघाने चमकदार कामगिरी करत विजेतेपद पटकावले. रोमहर्षक ठरलेल्या अंतिम लढतीत पोलीस संघाने ‘जे जे स्पोर्ट्स अकॅडमी’चा २-१ असा पराभव केला.
सामन्याच्या सुरुवातीलाच जगदीश कस्तुरे यांच्या सुरेख पासवर विनोद निंभोरे यांनी पहिला मैदानी गोल नोंदवून पोलीस संघाला १-० अशी भक्कम आघाडी मिळवून दिली. यानंतर जे जे स्पोर्ट्स अकॅडमीच्या जय जंगम यांनी प्रतिहल्ला करत १ गोल नोंदवला आणि सामना १-१ असा बरोबरीत आणला.
मध्यंतरानंतर दोन्ही संघांमध्ये जोरदार चढाओढ पाहायला मिळाली. सामन्याच्या अगदी शेवटच्या मिनिटाला कुणाल जगदाळे यांच्या पासवर जगदीश कस्तुरे यांनी गोल डागत संघाला २-१ अशी विजयी आघाडी मिळवून दिली.
या यशस्वी कामगिरीसाठी पुणे शहर पोलीस संघाला व्यवस्थापक व कोच वाईद पठाण तसेच पुणे शहर पोलीस निरीक्षक अमर कदम यांचे मोलाचे मार्गदर्शन लाभले.
विजेता पुणे शहर पोलीस संघ:
गणेश पालांडे (गोलकीपर), जगदीश कस्तुरे, संतोष स्वामी, सुधीर सुतके, विनोद निंभोरे, गणेश गिरी गोसावी, कुणाल जगदाळे, इंदल सूर्यवंशी, गौरव कांबळे.
प्रतिनिधी उमेश कुलकर्णी 9822548429
