इंधन तस्करीवर मोठी कारवाई; बेकायदेशीर इंधन वाहून नेणारी ३ जहाजे गुजरातच्या धक्क्याला
मुंबई/गुजरात:समुद्री मार्गाने होणाऱ्या बेकायदेशीर इंधन तस्करीच्या विरोधात तपास यंत्रणांनी मोठी कारवाई केली आहे. बेकायदेशीररीत्या इंधनाची तस्करी करणारी तीन जहाजे पकडण्यात आली असून, ती सध्या गुजरातच्या धक्क्याला लावण्यात आली आहेत.
गुप्त माहितीच्या आधारे सुरक्षा यंत्रणांनी समुद्रात ही मोहीम राबवली. या कारवाईत इंधनाचा मोठा साठा जप्त करण्यात आल्याची प्राथमिक माहिती आहे. ही जहाजे कोणत्या मार्गाने येत होती आणि या इंधन तस्करीमागे कोणते मोठे रॅकेट सक्रिय आहे, याचा तपास आता यंत्रणांकडून केला जात आहे.
गुजरात किनारपट्टीवर कडक बंदोबस्त
या घटनेनंतर गुजरात आणि लगतच्या किनारपट्टी भागात सुरक्षा व्यवस्था अधिक कडक करण्यात आली आहे. संशयास्पद हालचालींवर लक्ष ठेवण्यासाठी कोस्ट गार्ड आणि स्थानिक पोलीस सतर्क झाले आहेत.
या प्रकरणातील कायदेशीर बाबी आणि जप्त करण्यात आलेल्या साठ्याबाबतची अधिकृत माहिती लवकरच न्यायालयात सादर केली जाण्याची शक्यता आहे. या तस्करीमुळे सरकारी महसुलाचे मोठे नुकसान होत असून, या प्रकरणातील मुख्य सूत्रधारांचा शोध घेणे हे आता यंत्रणांसमोर मोठे आव्हान आहे.
प्रतिनिधी उमेश कुलकर्णी
9822548429
