🚩 धर्मवीर संभाजी महाराज जयंती उत्साहात साजरी; डीएसके विश्व धायरी येथे प्रतिमा पूजन, मान्यवरांची मोठी उपस्थिती 🚩

🚩 धर्मवीर संभाजी महाराज जयंती उत्साहात साजरी; डीएसके विश्व धायरी येथे प्रतिमा पूजन, मान्यवरांची मोठीउपस्थिती 🚩

पुणे: महाराष्ट्र ब्राह्मण सभा पुणे शहर / जिल्हा यांच्या वतीने गुरुवार, दिनांक १४ मे २०२६ रोजी डी.एस.के. विश्व, धायरी येथे स्वराज्याचे दुसरे छत्रपती, शौर्य, त्याग आणि धर्मरक्षणाचे प्रतीक धर्मवीर संभाजी महाराज यांच्या जयंतीनिमित्त प्रतिमा पूजन व पुष्पहार अर्पण कार्यक्रम अत्यंत उत्साहपूर्ण आणि भक्तिमय वातावरणात पार पडला.
या विशेष कार्यक्रमाला सामाजिक, धार्मिक आणि राजकीय क्षेत्रातील अनेक मान्यवरांची उपस्थिती लाभली. यामध्ये महाराष्ट्र ब्राह्मण सभेचे प्रदेशाध्यक्ष श्री. मयुरेश अरगडे, महाराष्ट्र ब्राह्मण सभा महिला आघाडी जिल्हाध्यक्षा सौ. पल्लवीताई गाडगीळ, पुणे शहर प्रमुख संघटक आदित्यजी काळे, शिवानंदना मित्र मंडळ धायरीचे संस्थापक व अध्यक्ष तसेच सुप्रसिद्ध व्याख्याते धर्मबंधू श्री. प्राजजी भिलारे, विश्व हिंदू परिषदेचे धायरी प्रखंड अध्यक्ष व विधीतज्ञ श्री. उमेशजी पोकळे, तसेच महाराष्ट्र नवनिर्माण सेनेच्या पुणे शहर सचिव सौ. सोनालीताई पोकळे यांची प्रमुख उपस्थिती होती.
डी.एस.के. विश्व परिसरातील नागरिकांनीही मोठ्या संख्येने या कार्यक्रमात सहभाग घेतला. जवळपास ४० ते ४५ नागरिकांच्या उपस्थितीमुळे कार्यक्रमाला विशेष उत्साह प्राप्त झाला.
विशेष म्हणजे अवघ्या दोन दिवसांच्या कालावधीत या कार्यक्रमाचे नियोजन करण्यात आले होते. अल्पावधीतही सर्वांच्या समन्वय, सहकार्य आणि समर्पणामुळे हा उपक्रम अत्यंत यशस्वी ठरला.
कार्यक्रमाच्या यशस्वी आयोजनासाठी श्री. राजजी शिरोडकर आणि श्री. कल्याणजी देशपांडे यांनी विशेष मेहनत घेतली. त्यांच्या परिश्रमाबद्दल महाराष्ट्र ब्राह्मण सभेच्या वतीने मनःपूर्वक आभार व्यक्त करण्यात आले.
याच पार्श्वभूमीवर युवा सेना पुणे शहर तर्फे संध्याकाळी डेक्कन येथील धर्मवीर संभाजी महाराजांच्या पूर्णाकृती पुतळ्यास अभिवादन करून जयंती उत्सव अधिक दिमाखात साजरा करण्यात आला.
धर्मरक्षण, स्वाभिमान आणि पराक्रमाची प्रेरणा देणाऱ्या धर्मवीर संभाजी महाराजांच्या स्मृती जागवत हा सोहळा अत्यंत प्रेरणादायी वातावरणात संपन्न झाला.

पत्रकार उमेश कुलकर्णी
9822548429