पुनावळे गोळीबार प्रकरण: आरजू बिश्नोई टोळीच्या ३ शूटर्सना हरिद्वारमध्ये बेड्या; पिंपरी-चिंचवड पोलिसांची मोठी कारवाई
पिंपरी-चिंचवड पोलिसांनी पुनावळे येथील ‘एजे फर्निचर मॉल’वर झालेल्या गोळीबार प्रकरणाचा छडा लावत मोठी कारवाई केली आहे. या गोळीबारातील मुख्य आरोपी आणि आरजू बिश्नोई टोळीच्या ३ शूटर्सना पोलिसांनी उत्तराखंडमधील हरिद्वार येथून अटक केली आहे.
प्रवीण राम निवास, पंकज राठी आणि सागर पाल अशी अटक करण्यात आलेल्या आरोपींची नावे आहेत. तपासात समोर आलेल्या माहितीनुसार, मॉलचे भागीदार अशोक नैन यांच्याकडून २ कोटी रुपयांची खंडणी वसूल करण्यासाठी हा गोळीबार करण्यात आला होता. या हल्ल्यात २ पिस्तुलांतून ५-६ राउंड गोळ्या झाडण्यात आल्या होत्या.
तपासातील महत्त्वाचे मुद्दे:
ही टोळी आरजू बिश्नोईची असून तिचा लॉरेन्स बिश्नोईशी थेट संबंध नाही.
लॉरेन्स बिश्नोईच्या नावाचा वापर करून दहशत निर्माण करण्यासाठी ही टोळी कार्यरत असल्याचे तपासात निष्पन्न झाले आहे.
आरोपींना पकडण्यासाठी पिंपरी-चिंचवड पोलिसांनी विशेष पथक तैनात केले होते.
या कारवाईमुळे पिंपरी-चिंचवड परिसरात खळबळ उडाली असून, गुन्हेगारांवर पोलिसांचा वचक निर्माण झाला आहे.
पत्रकार : उमेश कुलकर्णी
9822548429
