सातारा: खेड ग्रामपंचायतीत आर्थिक अनियमितता; सरपंच लता फरांदे यांचे पद रद्द
सातारा: खेड ग्रामपंचायतीत आढळलेल्या सुमारे पावणे सतरा लाख रुपयांच्या आर्थिक अनियमिततेच्या निष्कर्षानंतर पुणे विभागीय आयुक्त कार्यालयाने सरपंच लता फरांदे यांचे पद रद्द करण्याचे आदेश जारी केले आहेत. चौकशीत त्यांच्यावर लावलेले आरोप सिद्ध झाले, असे अधिकाऱ्यांनी सांगितले.
हा निर्णय स्थानिक राजकारण व ग्रामपंचायत कारभारावर मोठा परिणाम करणारा ठरला आहे; गावकऱ्यांनी पारदर्शक तपास आणि दोषींवर कठोर कारवाई करण्याची मागणी केली आहे. विभागीय आयुक्त कार्यालय पुढील तपास आणि संबंधित अभिलेखांची तपासणी सुरू ठेवणार आहे.
पत्रकार — उमेश कुलकर्णी
संपर्क: 9822548429
