अखिल भारतीय मराठी नाट्य परिषदेचा जीवनगौरव पुरस्कार ज्येष्ठ अभिनेते दिलीप प्रभावळकर यांना प्रदान; आशिष शेलार यांनी पाय पडून व्यक्त केली कृतज्ञता
मुंबई:अखिल भारतीय मराठी नाट्य परिषदेच्या वतीने दिला जाणारा मानाचा ‘जीवनगौरव पुरस्कार’ ज्येष्ठ अभिनेते दिलीप प्रभावळकर यांना नुकताच एका दिमाखदार सोहळ्यात प्रदान करण्यात आला. या सोहळ्यातील एका विशेष प्रसंगामुळे उपस्थितांची मने जिंकली गेली.
दिलीप प्रभावळकर यांना हा सर्वोच्च पुरस्कार प्रदान करत असताना, अखिल भारतीय मराठी नाट्य परिषदेचे अध्यक्ष आणि भाजप नेते आशिष शेलार यांनी त्यांच्या पाया पडून आशीर्वाद घेतले. प्रभावळकर यांच्या मराठी रंगभूमी आणि चित्रपट क्षेत्रातील अमूल्य योगदानाबद्दल आदर आणि कृतज्ञता व्यक्त करण्यासाठी त्यांनी हे पाऊल उचलले. या भावनिक आणि आदरयुक्त क्षणाची सध्या सोशल मीडियावर जोरदार चर्चा सुरू आहे.
या सोहळ्याला नाट्य क्षेत्रातील अनेक दिग्गज कलाकार आणि पदाधिकारी उपस्थित होते. दिलीप प्रभावळकर यांच्या अष्टपैलू अभिनयाचा आणि प्रदीर्घ प्रवासाचा गौरव या पुरस्काराच्या माध्यमातून करण्यात आला.
पत्रकार उमेश कुलकर्णी
9822548429
