बदलापूर बंदची हाक: टीओडी मीटरविरोधातील आंदोलनाने धरले तीव्र रूप
बदलापूर: बदलापूर शहरात सध्या टीओडी (TOD) मीटर प्रणालीविरोधात सुरू असलेल्या आंदोलनाने आता अधिक आक्रमक वळण घेतले आहे. या आंदोलनाला व्यापक पाठिंबा मिळवण्यासाठी उद्या ‘बदलापूर बंद’ची हाक देण्यात आली आहे. ‘आपले बदलापूर’ सोशल मीडिया पेजवरून यासंदर्भातील माहिती समोर आली असून, नागरिकांना या आंदोलनात सक्रिय सहभागी होण्याचे आवाहन केले जात आहे.
सर्वसामान्य नागरिकांच्या हक्कासाठी आणि वाढीव आर्थिक भूर्दंडाविरुद्ध पुकारण्यात आलेल्या या लढ्याला बदलापूरकरांकडून मोठा प्रतिसाद मिळण्याची शक्यता वर्तवली जात आहे. आंदोलकांनी थेट जनतेला साद घालत, “तुम्ही या लढ्यात सहभागी होणार का? आणि या आंदोलनाला तुमचा पाठिंबा आहे का?” असा सवाल करत नागरिकांच्या प्रतिक्रिया मागवल्या आहेत.
सध्या या आंदोलनाचे थेट प्रक्षेपण आणि त्याशी संबंधित व्हिडिओ सोशल मीडियावर मोठ्या प्रमाणात व्हायरल होत असून, स्थानिक प्रशासनावर या वाढत्या जनक्षोभाचा काय परिणाम होतो, याकडे सर्वांचे लक्ष लागले आहे. उद्याच्या बंदच्या पार्श्वभूमीवर शहरात काय परिस्थिती राहते, हे पाहणे महत्त्वाचे ठरेल.
पत्रकार उमेश कुलकर्णी
9822548429
