अयोध्या राम मंदिर देणगी चोरीप्रकरणी मोठी कारवाई; नाव असलेल्या सर्व ८ आरोपींना अटक
अयोध्या: अयोध्या येथील राम मंदिरातून देणगीच्या स्वरूपात मिळालेल्या वस्तूंची चोरी झाल्याच्या प्रकरणात उत्तर प्रदेश पोलिसांनी मोठी कारवाई करत एफआयआरमध्ये नमूद असलेल्या सर्व ८ आरोपींना अटक केली आहे.
‘श्री राम जन्मभूमी तीर्थ क्षेत्र ट्रस्ट’चे सदस्य कृष्ण मोहन यांनी दिलेल्या तक्रारीनंतर या प्रकरणी गुन्हा दाखल करण्यात आला होता. तपासादरम्यान पोलिसांनी सर्व आरोपींना ताब्यात घेतल्याची माहिती वरिष्ठ अधिकाऱ्यांनी शुक्रवारी दिली.
एफआयआरमध्ये टिन्नू यादव, अनुकल्प मिश्र, अविनाश शुक्ला यांच्यासह एकूण आठ जणांची नावे नमूद आहेत. या आरोपींवर मंदिरातील देणगीची चोरी केल्याचा तसेच इतर गंभीर स्वरूपाचे आरोप असल्याचे पोलिसांनी सांगितले आहे.
या प्रकरणाचा पुढील तपास सुरू असून चोरीला गेलेल्या वस्तू आणि इतर पुराव्यांचा शोध घेण्याचे काम पोलीस करत आहेत.
पत्रकार उमेश कुलकर्णी
9822548429
