दादरच्या चैत्यभूमी परिसरात आंदोलन; पोलिसांनी अनेकांना ताब्यात घेतल्याची चर्चा
मुंबई : दिल्लीतील आंदोलनाला पाठिंबा दर्शविण्यासाठी मुंबईतील दादर येथील चैत्यभूमी परिसरात काही विद्यार्थी आणि कार्यकर्ते एकत्र आल्याची माहिती समोर आली आहे. या आंदोलनाला अधिकृत परवानगी नसल्याचे सांगत पोलिसांनी परिसरात बंदोबस्त वाढवून काही आंदोलनकर्त्यांना ताब्यात घेतल्याची चर्चा आहे.
दरम्यान, आंदोलनाला पाठिंबा देण्यासाठी आलेल्या एका महिला आणि तिच्या लहान मुलालाही पोलिसांनी ताब्यात घेतल्याचा दावा सोशल मीडियावर केला जात आहे. मात्र, या दाव्याला अद्याप मुंबई पोलिसांकडून अधिकृत दुजोरा मिळालेला नाही.
तसेच, पोलिसांनी आंदोलनकर्त्यांवर लाठीचार्ज केल्याचा दावाही काही ठिकाणी केला जात असला, तरी त्याबाबत कोणतीही अधिकृत पुष्टी उपलब्ध झालेली नाही. त्यामुळे या घटनेसंदर्भातील तपशील आणि दावे अद्याप पडताळणीच्या प्रतीक्षेत आहेत.
या प्रकरणी मुंबई पोलिसांकडून अधिकृत माहिती आल्यानंतरच संपूर्ण चित्र स्पष्ट होणार आहे
प्रतिनिधी उमेश कुलकर्णी
