घोडबंदर रोडवर मल्टी-अॅक्सल वाहन पलटी; वाहतुकीवर परिणाम होण्याची शक्यता
ठाणे : घोडबंदर रोडवरील ठाणे वाहिनीवर आज सकाळच्या सुमारास मल्टी-अॅक्सल वाहन रस्त्यावर पलटी झाल्याची घटना घडली. नळपाडा पेट्रोल पंपाच्या काही अंतरावर हे वाहन पलटी झाल्याने रस्त्यावर वाहनांची वर्दळ प्रभावित होण्याची शक्यता आहे.
घटनेमुळे या मार्गावर वाहतूक कोंडी निर्माण होण्याची शक्यता असून, वाहनचालकांनी घटनास्थळाजवळून जाताना सावधगिरी बाळगावी. पलटी झालेले वाहन बाजूला करण्याचे काम सुरू झाल्यानंतर वाहतूक सुरळीत होण्यास मदत होणार आहे.
दरम्यान, या अपघातात कोणतीही जीवितहानी किंवा जखमी झाल्याची माहिती अद्याप स्पष्ट झालेली नाही. घटनास्थळी संबंधित यंत्रणांकडून पाहणी आणि आवश्यक कार्यवाही करण्यात येत आहे.
प्रतिनिधी सिंथिया कोरिया
