पुण्याच्या विद्यार्थ्यांनी रचला इतिहास: बनवले भारतातील सर्वात मोठे रेडिओ-कंट्रोल्ड इलेक्ट्रिक विमान
पुणे येथील एमआयटी कला, डिझाइन व तंत्रज्ञान विद्यापीठाच्या ‘टीम स्कायट्रॅक’ने एक अभूतपूर्व कामगिरी केली आहे. ‘प्रोजेक्ट गरुडा’ अंतर्गत या विद्यार्थ्यांनी भारतातील सर्वात मोठे आणि वजनदार रेडिओ-कंट्रोल्ड इलेक्ट्रिक फिक्सड-विंग विमान तयार केले आहे.
महत्त्वाची वैशिष्ट्ये आणि विक्रम:
या विमानाचा विंगस्पॅन ९.२५ मीटर असून त्याचे वजन २६१ किलो आहे.
या कामगिरीची ‘इंडिया व आशिया बुक ऑफ रेकॉर्ड्स’मध्ये अधिकृत नोंद झाली आहे.
प्रा. अमोल यादव यांच्या मार्गदर्शनाखाली विद्यार्थ्यांनी ४ वर्षांच्या सखोल संशोधनानंतर हे यश संपादन केले.
या महत्त्वाकांक्षी प्रकल्पासाठी ४८ लाख रुपयांचा निधी खर्च करण्यात आला आहे.
या विमानाचे यशस्वी उड्डाण धुळे येथे पार पडले. पुण्याच्या विद्यार्थ्यांच्या या कल्पकतेचे आणि मेहनतीचे सर्वत्र कौतुक होत आहे
.पत्रकार : उमेश कुलकर्णी,9822548429
