सांगली येथील बेकायदेशीर बांधकामच्या निषेधार्थ मुस्लिम समाजाचा आक्रोश :जिल्याधिकारी यांच्याकडे दिले निवेदन :-
सांगली:दि.1जून :-शहरातील कथित बेकायदेशीर मशिदींवरील प्रशासनाच्या कारवाईच्या निषेधार्थ समस्त मुस्लिम समाजाच्या वतीने सोमवारी जिल्हाधिकारी कार्यालयावर मोर्चा काढण्यात आला. ईदगाह मैदानापासून जिल्हाधिकारी कार्यालयापर्यंत निघालेल्या या मोर्चात मोठ्या संख्येने मुस्लिम बांधव सहभागी झाले होते.
सांगली महापालिका आणि जिल्हा परिषद प्रशासनाने अतिक्रमण व बेकायदेशीर बांधकामाच्या कारणास्तव काही धार्मिक बांधकामांवर कारवाई केली होती. या कारवाईविरोधात मुस्लिम समाजाने तीव्र नाराजी व्यक्त करत प्रशासनावर एकतर्फी आणि अन्यायकारक कारवाईचा आरोप केला.
मोर्चादरम्यान समाजाच्या प्रतिनिधींनी जिल्हाधिकाऱ्यांना निवेदन सादर केले. यामध्ये धार्मिक स्थळांवरील कारवाई करताना योग्य प्रक्रिया पाळली गेली नसल्याचा आरोप करण्यात आला. काही प्रकरणे न्यायालयात प्रलंबित असतानाच कारवाई करण्यात आल्याचा मुद्दाही निवेदनात उपस्थित करण्यात आला.
यावेळी समाजाच्या प्रतिनिधींनी सांगितले की, मुस्लिम समाजाविरोधात होत असल्याचा आरोप असलेल्या कारवायांबाबत प्रशासनाने निष्पक्ष भूमिका घ्यावी आणि सर्वांना समान न्याय द्यावा. समाजाने आपली भूमिका शांततामय मार्गाने मांडली असून न्याय मिळावा, अशी मागणी करण्यात आली.
मोर्चा शांततेत पार पडला असून जिल्हाधिकारी कार्यालयाने निवेदन स्वीकारले आहे. या मागण्यांवर प्रशासन पुढे काय भूमिका घेते, याकडे आता सर्वांचे लक्ष लागले आहे.
पत्रकार :विजय रणभोर, पुणे.
9359280220.
