सलग दुसऱ्यांदा विम्बल्डनचा बादशाह! यानिक सिन्नरचे विजेतेपद कायम
लंडन : जगातील अव्वल मानांकित इटलीचा टेनिसपटू यानिक सिन्नर याने आपले वर्चस्व कायम राखत विम्बल्डन २०२६ स्पर्धेच्या पुरुष एकेरीचे विजेतेपद सलग दुसऱ्यांदा पटकावले. रविवारी झालेल्या रंगतदार अंतिम सामन्यात सिन्नरने जर्मनीच्या अलेक्झांडर झवेरेव्हचा पराभव करून मानाचा करंडक आपल्या नावावर केला.
सुमारे ३ तास ४६ मिनिटे चाललेल्या या अटीतटीच्या लढतीत सिन्नरने झवेरेव्हवर ६-७ (१-७), ७-६ (७-२), ६-३, ६-४ असा विजय मिळवला. पहिला सेट गमावल्यानंतर सिन्नरने दमदार पुनरागमन करत सलग पुढील तीन सेट जिंकले आणि सामना आपल्या बाजूने फिरवला.
या विजयासह सिन्नरच्या कारकिर्दीतील हे पाचवे ग्रँड स्लॅम विजेतेपद ठरले. तसेच ग्रँड स्लॅम स्पर्धांमधील त्याच्या १०० व्या विजयाचीही नोंद झाली.
विम्बल्डनचे विजेतेपद जिंकल्याबद्दल सिन्नरला ३.६ दशलक्ष पाउंड (भारतीय चलनानुसार अंदाजे ४६ कोटी रुपये) इतके बक्षीस मिळाले. सलग दुसऱ्यांदा विम्बल्डन जिंकत सिन्नरने जागतिक टेनिसमधील आपले वर्चस्व अधिक भक्कम केले असून, त्याच्या या ऐतिहासिक कामगिरीचे सर्वत्र कौतुक होत आहे.
प्रतिनिधी उमेश कुलकर्णी
9822548429
