पुण्यात दोन ठिकाणी गोळीबार; पूर्ववैमनस्यातून हल्ले, एका प्रकरणात ५ आरोपी अटकेत

पुण्यात दोन ठिकाणी गोळीबार; पूर्ववैमनस्यातून हल्ले, एका प्रकरणात ५ आरोपी अटकेत

पुणे: पुणे शहरात शुक्रवारी दोन वेगवेगळ्या ठिकाणी झालेल्या गोळीबाराच्या घटनांनी खळबळ उडाली आहे. खडक पोलीस ठाण्याच्या हद्दीतील घोरपडे पेठ आणि लोहियानगर परिसरात या घटना घडल्या. दोन्ही घटनांमुळे परिसरात काही काळ तणावाचे वातावरण निर्माण झाले असून नागरिकांमध्ये भीतीचे सावट पसरले आहे.
या गोळीबारात एका तरुणाला गंभीर दुखापत झाली असून त्याच्यावर रुग्णालयात उपचार सुरू आहेत. त्याची प्रकृती लक्षात घेऊन डॉक्टरांकडून आवश्यक उपचार केले जात आहेत.
प्राथमिक तपासात दोन्ही घटना पूर्ववैमनस्यातून घडल्याचे समोर आले आहे. संबंधित व्यक्तींमधील जुन्या वादातून हा गोळीबार झाल्याचा पोलिसांचा प्राथमिक अंदाज आहे.
दरम्यान, एका प्रकरणात पोलिसांनी तातडीने कारवाई करत पाच आरोपींना अटक केली आहे. दोन्ही घटनांतील इतर आरोपींचा शोध सुरू असून खडक पोलीस या प्रकरणाचा सखोल तपास करत आहेत.
पुण्यात सलग दोन ठिकाणी झालेल्या गोळीबारामुळे कायदा-सुव्यवस्थेचा प्रश्न पुन्हा ऐरणीवर आला असून, अशा घटनांना आळा घालण्यासाठी पोलिसांनी परिसरात सुरक्षा आणि गस्त वाढवली आहे.

प्रतिनिधी उमेश कुलकर्णी
9822548429