१० आणि २० रुपयांच्या पॉलिमर नोटांना केंद्राची मंजुरी; प्रायोगिक तत्त्वावर चलनात येणार
नवी दिल्ली : केंद्र सरकारने रिझर्व्ह बँक ऑफ इंडिया (RBI) च्या १० रुपये आणि २० रुपये मूल्याच्या पॉलिमर (प्लास्टिक) नोटा प्रायोगिक तत्त्वावर चलनात आणण्याच्या प्रस्तावाला मंजुरी दिली आहे. या निर्णयानुसार प्रत्येकी १०० कोटी पॉलिमर नोटा फील्ड ट्रायलसाठी जारी करण्यात येणार आहेत.
पॉलिमर नोटा सध्याच्या कागदी नोटांपेक्षा अधिक टिकाऊ, जलरोधक आणि दीर्घकाळ वापरता येण्यास सक्षम असल्याने त्यांचे आयुष्य अधिक असण्याची अपेक्षा आहे. या चाचणीचा उद्देश भारतीय हवामान आणि वापराच्या परिस्थितीत या नोटांची कार्यक्षमता तपासणे हा आहे.
मात्र, केंद्र सरकारने स्पष्ट केले आहे की, सध्या वापरात असलेल्या कागदी नोटा बंद करण्याचा किंवा त्यांच्या जागी पूर्णपणे पॉलिमर नोटा आणण्याचा कोणताही निर्णय झालेला नाही. हा उपक्रम केवळ प्रायोगिक तत्त्वावर राबविण्यात येत असून, त्याच्या निष्कर्षांच्या आधारे पुढील निर्णय घेतला जाईल.
सरकारने यावेळी असेही स्पष्ट केले की, रोख चलन आणि डिजिटल पेमेंट व्यवस्था या एकमेकांना पूरक असून, दोन्ही माध्यमांचा देशाच्या अर्थव्यवस्थेत महत्त्वाचा वाटा आहे.
प्रतिनिधी उमेश कुलकर्णी
9822548429
