माजीवाडा उड्डाणपुलावर ट्रकचा अपघात; मुंबईकडे जाणाऱ्या मार्गावर वाहतूक कोंडी
ठाणे : ठाण्यातील माजीवाडा उड्डाणपुलाच्या सुरुवातीला ट्रकचा अपघात झाल्याने मुंबईच्या दिशेने जाणाऱ्या मार्गावर मोठी वाहतूक कोंडी निर्माण झाली आहे. अपघातानंतर या मार्गावरील वाहतूक अत्यंत संथ गतीने सुरू असून वाहनांच्या लांबच लांब रांगा लागल्या आहेत.
अपघाताची माहिती मिळताच वाहतूक पोलीस आणि संबंधित यंत्रणा घटनास्थळी दाखल झाल्या असून वाहतूक सुरळीत करण्याचे प्रयत्न सुरू आहेत. अपघातग्रस्त ट्रक हटविण्याचे काम सुरू असल्याची माहिती मिळाली आहे.
दरम्यान, वाहनचालकांनी शक्य असल्यास पर्यायी मार्गांचा वापर करावा तसेच अतिरिक्त वेळ गृहीत धरून प्रवासाचे नियोजन करावे, असे आवाहन वाहतूक प्रशासनाकडून करण्यात आले आहे.
अपघाताचे नेमके कारण आणि यात कोणतीही जीवितहानी झाली आहे का, याबाबत अद्याप अधिकृत माहिती समोर आलेली नाही.
प्रतिनिधी सिंथिया कोरिया मुंबई
