भाऊ-बहिणीच्या अतूट नात्याचा सण उत्साहात साजरा.
पुणे, दि. २८ : भाऊ-बहिणीच्या प्रेम, विश्वास आणि जिव्हाळ्याच्या नात्याला अधिक दृढ करणारा रक्षाबंधनाचा पवित्र सण सर्वत्र उत्साहपूर्ण वातावरणात साजरा केला जात आहे. या निमित्ताने बहिणी आपल्या भावाच्या मनगटावर राखी बांधून त्याच्या सुखी, समृद्ध आणि दीर्घायुष्यासाठी प्रार्थना करतात, तर भाऊ आपल्या बहिणीच्या रक्षणाची आणि आयुष्यभर साथ देण्याची शपथ घेतो.
रक्षाबंधन हा केवळ राखी बांधण्याचा सण नसून, प्रेम, आपुलकी, विश्वास आणि कुटुंबातील नात्यांचा उत्सव आहे. या दिवशी बाजारपेठांमध्ये विविध रंगीबेरंगी राख्या, मिठाई आणि भेटवस्तूंची खरेदी करण्यासाठी नागरिकांची गर्दी पाहायला मिळते.
या पवित्र रक्षाबंधनाच्या निमित्ताने सर्वांना हार्दिक शुभेच्छा! भाऊ-बहिणीचे हे प्रेमाचे नाते सदैव असेच अतूट राहो आणि प्रत्येकाच्या आयुष्यात आनंद, सुख व समृद्धी नांदो, अशी भावना व्यक्त करण्यात येत आहे.
प्रतिनिधी: शाम शिरसाठ, पुणे
