ज्येष्ठ अभिनेते प्रदीप रावत यांचे निधन; कर्करोगाशी झुंज देताना वयाच्या ७४व्या वर्षी अखेरचा श्वास
मुंबई : हिंदी चित्रपटसृष्टीतील ज्येष्ठ अभिनेते प्रदीप रावत यांचे मंगळवारी (४ ऑगस्ट २०२६) वयाच्या ७४व्या वर्षी निधन झाले. ते गेल्या काही काळापासून कर्करोगाशी झुंज देत होते. मुंबईतील रुग्णालयात उपचार सुरू असताना त्यांची प्राणज्योत मालवली.
प्रदीप रावत यांनी हिंदी चित्रपट आणि दूरचित्रवाणी क्षेत्रात अनेक दमदार भूमिका साकारल्या. बी. आर. चोप्रा यांच्या महाभारत मालिकेतील अश्वत्थामा, आमिर खानच्या गजनी चित्रपटातील खलनायक गजनी धर्मात्मा तसेच लगानमधील देवा या भूमिका विशेष गाजल्या.
‘लगान’मधील त्यांचे सहकलाकार यांनी सोशल मीडियावर भावनिक श्रद्धांजली अर्पण करत, “आपला गजनी, लगानचा देवा आता राहिला नाही,” अशी पोस्ट केली.
मिळालेल्या माहितीनुसार, कर्करोगावर यापूर्वी मात केल्यानंतर गेल्या महिनाभरात त्यांची प्रकृती पुन्हा खालावली होती. उपचारादरम्यान प्लेटलेट्सचे प्रमाण घटल्याने त्यांची प्रकृती अधिक गंभीर बनली आणि अखेर त्यांचे निधन झाले.
त्यांच्या निधनामुळे चित्रपटसृष्टीत हळहळ व्यक्त केली जात असून चाहते आणि सहकलाकारांकडून त्यांना श्रद्धांजली वाहिली जात आहे.
प्रतिनिधी उमेश कुलकर्णी 9822548429
